fbpx

dummy

Караман - македонското овчарско куче

Караманот е македонска овчарска раса куче. Кинолошкиот сојуз го признава како автентична, автохтона македонска раса и се чека неговото признавање од страна на Светската кинолошка федерација – ФЦИ. Се верува дека овој сој бил одгледувана уште пред 4 илјади години.
dummy Караманот, на прв поглед, се карактеризира со црна боја на крзното или црна со палежи - народно „четириоките”. Мажјаците се покрупни, помасивни, поробусни и со поширока глава. Женките, пак, се поситни и со поелегантна конституција, што подразбира дека половиот диформизам е јасно изразен. Мажјаците во гребенот се високи од 65 до 73 сантиметри, а женките од 58 до 68 сантиметри. Мажјаците во просек тежат 45 килограми, женките околу 40. dummy За Караманот се вели дека зачуван во неговото најдобро издание, онака како што го создала планината. Негови фенотипски референци се лупомолосоидната глава, функционално надградена грбна линија, која од плешките кон сапите (карлицата) благо се издигнува, увиениот опаш и присуството на петтиот прст. dummy Караманот е заштитник на стадата. Негови особини се верноста, смиреноста, тој е вреден чувар на имотот и е недоверлив кон непознати. dummy „Караманот е нешто помал од Шарпланинецот. Во него нема многу човечка селекција и се трудиме да ги одржиме караманите во што поизворен формат, односно во најдоброто издание, планинското. Нашите истражувања покажаа дека Караманот, благодарејќи на таа поелегантна градба е прилично поагилен, затоа и е сместен во првата ФЦИ група, заедно со Карпатскиот овчар и Мареманото- италијански овчар“ – Илија Каров, претседател на кинолошкиот клуб МОК – Караман. dummy Караманот главно се користи за заштита на стадата и на имотот. Намалениот број овци и бачила во Македонија значеше и намалување на бројот на Карамани. Со изумирањето на малиот сточар-производител со од 20 до 100 грла стока, полека избледува целиот автохтон генофонд на овчарски кучиња во Македонија. Од друга страна, пак, за среќа Караманот е сè почест жител на урбаните дворови, затоа што се одлични семејни миленици и заштитници. dummy До крајот на годинава треба да излезе зоотехничка студија за Македонското овчарско куче – Караман. Ќе ги содржи сите детали за расата, вклучително и точната бројка на вакви кучиња во земјава. Студијата ја изработуваат проф. д-р Миливоје Урошевиќ и д-р Дарко Дробњак од Србија, од Центарот за зачувување на автохтони раси. dummy Заради организирано зачувување на македонскиот Караман, во 2004 година е оформен Кинолошкиот клуб „Македонско овчарско куче – Караман”, кој потоа е примен како полноправна членка во Кинолошкиот сојуз на Македонија. Клубот има околу 300 членови и функционира по региони. dummy Браќата Влатко и Марјан Костовски во 1998 година пионерски ја започнуваат идејата за Македонија конечно да добие нејзина сопствена раса со Караманот. Неколку години подоцна, во 2004 година е издадена книгата „Македонско овчарско куче – Караман“ во која е објавен првиот стандард за расата. Бигорската одгледувачница располага со еден од најголемите генофондови. dummy Караманот е поситен од Шарпланинецот и е сместен во првата ФЦИ група, заедно со италијанскиот Маремано и Романскиот Карпатијан (Карпатски овчар). dummy За Караманот се вели дека било куче на сиромашниот Македонец со милениуми наназад. За тоа сведочи и детаљ од фреската во Курбиново, во манастирот Св. Ѓорѓија, насликана во 1191 година, а го има и во македонските народни песни. dummy Каров: Караманот е посебен затоа што е наш, македонски. Тоа не подразбира дека само Македонците имаат авторско право на него, туку подразбира дека сите народи и националности кои живееле во ова поднебје или во географските, етнички граници на некогашна Македонија го чувале и постои и егзистира сѐ уште до ден денес. dummy Политика на кинолошкиот клуб е да не се испраќаат Карамани надвор од границите на Македонија, сѐ до негово конечно признавање од страна на Светската кинолошка федерација. dummy Годинава за првпат во Програмата за финансиска поддршка на руралниот развој е воведена финансиска поддршка за одгледување на стопански корисно автохтоно куче од расата Македонско овчарско куче Караман. Максимален број е седум пријавени кучиња по земјоделско стопанство, а се добиваат 3 илјади денари по куче.
dummy Фотографија: Доријан
Миловановиќ
Текст: Мартин Пушевски
Управување со согласноста за колачиња
За да овозможиме добро корисничко искуство на страницата, користиме колачиња. Некои колачиња овозможуваат основно функционирање на веб-страницата, а некои ни даваат преглед на однесувањето на корсниците.
Функционални Always active
Создавањето и пристапувањето на овие колачиња е потребно за да ја овозможат основната функционалност на страницата. Овие ги овозможуваат основните функционалности и ја одржуваат безбедноста на страната, без да прибираат податоци за вас.
Preferences
The technical storage or access is necessary for the legitimate purpose of storing preferences that are not requested by the subscriber or user.
Статистички
Создавањето и пристапувањето на овие колачиња е потребно за прибирање на статистички податоци и податоци за однесувањето на корисниците на веб-страната. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Маркетинг
Создавањето и пристапувањето на овие колачиња е потребно за креирање кориснички профили за испраќање реклами или за следење на корисникот на веб-локацијата или на неколку веб-локации за маркетинг цели.
Manage options Manage services Manage vendors Read more about these purposes
Види ги подесувањата
{title} {title} {title}