Карактеристично за трите земји е што домашните политички елити поддржуваат отворање нови рудници иако повеќе примери покажуваат дека надлежните државни институции немаат капацитет за контрола и спречување на загадувањето од рудниците.
Во време кога жителите на Струмичката котлина, на Пробиштип и на други населени места во земјава отворено порачуваат дека не сакаат отворање рудници во близина на нивните живеалишта, по нарачка на Министерството за економија во МАНУ се изработува долгорочна Стратегија за геолошки истражувања и одржливо искористување и експлоатација на минерални суровини.