Местото е атрактивно и за крупниот дивеч, од кој најмногу се застапени срните и дивите свињи, кои повремено се симнуваат од околните планини и тука пијат вода. Во минатото, кога водостојот бил повисок и постабилен, во езерото имало пијавици, а тоа било дом и на многу птици, меѓу кои доминирале шатки и чапји. Но, со намалување на количеството вода во езерото, растителниот и животинскиот фонд во голема мера е намален, а многу видови веќе не се дел од овој амбиент.