Помалку од половина од граѓаните (44%) знаат дека во Македонија има три национални паркови, покажа нашето истражување. Многу мал дел од нив се свесни дека имаме и други видови заштитени подрачја како природни резервати и споменици на природата.
Се помалку рисови се регистрирани од фотозамките поставени во подрачјата каде што опстојува овој критично загрозен вид. Невладиниот сектор со помош на странски донатори веќе петнаесет години спроведува Програма за закрепнување на балканскиот рис на територијата на Македонија, Албанија и Косово. Меѓутоа, трите држави воопшто не одвојуваат финансии за поддршка на мерките за заштита, што го доведува во прашање опстанокот на ова прекрасно животно.
По половина година талкање по бирократски лавиринти дознавме дека на 13 компании, сопственици на мали хидроелектрани од 2010 до 2021 година преку сметките за струја на граѓаните им биле исплатени речиси 80 милиони евра за гарантиран откуп на електрична енергија по повластени тарифи. Еден од најголемите „добитници“ од овој бизнис е поранешниот вицепремиер Кочо Анѓушев. Тој вели дека неосновано се води хајка против овој начин на производство на струја.
Граѓаните на Македонија, на Србија и на Босна и Херцеговина, освен заедничкото минато во поранешна Југославија, ги врзува уште една приказна. Тие станаа жртви на силното енергетско лоби коешто, на почетокот на 21 век, прошверцува теза дека изградбата на мали хидроцентрали е идеален начин за зголемување на производството на таканаречената чиста или зелена енергија, којашто нема да ја загадува природната средина. Беа поставени високи цели за пораст на производството на струја од обновливи извори на енергија, што се искористи како оправдување за субвенционирање на работата на малите хидроцентрали.
Колку се реални ветувањата за заштита на животната средина на новата Влада формирана од СДСМ, ДУИ и ДПА е прашање што заслужува сериозно внимание ако се земат предвид искуствата од изминатите години коишто покажуваат дека извршната власт каска со реализација на еколошките проекти и дека брзо се заборава на поставените цели.
Во нашата земја има 4 фамилии со вкупно 16 различни видови змии. Фамилијата Црвовидни змии (Typhlopidae) е присутна со еден претставник со истото име.
Пандемијата која се уште е во тек, а трае веќе со месеци, покрај негативните последици, не натера да размислуваме за поставените вредности на природата и нашиот пристап кон истата.
Националниот парк Маврово е најголем меѓу трите во Македонија.
Политичките партии кои во изминативе децении наизменично ја држат власта во Македонија треба да одговаарат за неспроведување на стратегиите и акциските планови од областа на заштитата на животната средина, за попусто потрошени пари на странски донатори кои редовно ги покриваат трошоците за изработка на овие научни документи и за непочитување на законските обврски за заштита на природата. Доколку работеа на спроведување на зацртаните цели во овие стратегии досега нашата земја требаше да има многу повеќе национални паркови, воспоставен мониторинг и заштита на загрозени видови животни и растенија, голем број заштитени геолошки локалитети, почисти реки, воспоставени механизми за намалување на загадувањето…
Во јужниот дел на Македонија, долж Повардарието, онаму каде што Тиквешката Котлина се претопува во…
Може ли сами да направите правилна проценка кој е најефикасниот начин за загревање на вашиот дом и во што е најкорисно да инвестирате за да имате поспокојна зима? Се потрудивме да собереме совети од искусни професори, но и од успешни примери.
Кожуф е злато од планина, дури и во буквална смисла. Раскош од природни богатства, прекрасни пејсажи и предели во кои секој може да ужива.