Биоразградливи кеси кај нас не постојат бидејќи се многу скапи
Со забраната за кесите за една употреба од 2021 година, најтенките кеси требаше да ги снема, а на нивно место да се појават алтеративи. Две години подоцна, овие кеси ги има насекаде, а алтернативите ги снема по кратко време. Проценката е дека во Македонија дневно се употребуваат и фрлаат над 3 милиони кеси за една употреба.
Зошто тие се штетни по здравјето на луѓето и за природата разговаравме со проф. Јадранка Блажевска Гилев, од Институтот за органска технологија на Технолошко металуршкиот факултет во Скопје која учествуваше во студијата за пластичните кеси изработена како поддршка на пратениците во процесот на изработка на овој закон.
Блажевска Гилев: За штетноста по здравјето
За многумина e трагично што со законот од 2021-ва ова е втор пат како се забранува употребата на најтенките пластични кеси и таа повторно не се спроведува од страна на институциите. Овие кеси беа забранети и со законот во 2012 година, но забраната се одложуваше со наводна потреба на компаниите произведувачи да се приспособат за промена на производството. Здравко Савески од граѓанската Иницијатива за ослободување од еднократна пластика смета дека самата држава си ги изигрува законите што е многу лош сигнал.
Савески: За непочитувањето на законите
Граѓаните се свесни дека кесите за една употреба се штетни и загадуваат, но за оние кои се наплаќаат по 15 денари на касите и се разградуваат имаат попозитивен впечаток дека не се толку штетни, а многумина мислат дека тие се и „биоразградливи“. За тоа дали постојат „биоразградливи“ кеси во Македонија одговори проф. Блажевска Гилев:
Блажевска Гилев: За кесите што се плаќаат
Слушнете го целиот подкаст за пластичните кеси, дали досегашната забрана има ефект, дали биоразградлива пластика е решение и што може да направи секој од нас посебно…
